फेरोंथाय हाबा (Education Ministry)
जे.दे. विल्लियाम इंलिश स्कुल (J.D. Williams English School):
जे.दि. विल्लियाम इंलिश स्कुलखौ 1984 मीइथायाव मे दान्नि 2 अक्ट’आव “Ligh the Ligh” थांकिखौ लानानै ओनसोलाव मोजां सोलोंथाय गोनांथिखौ मोनहोनो थाकय थुक्राझारआव गायसन्नाय जायो। बे फरायसालिखौ अस्ट्रेलियान बेपतिष्ट मिशनेरि चचाइटिनि गाहाय नेहाथारि रुंसारि रेवरंड जन डेविड विल्लियामशखौ मोनहेनो थाकाय बेबादि मुं होनाय जायो, मानोना बिहा बर’नि थाकाय होबां अन्नाय दंमोन। अलपना बसुमथारीआ सासे गाइसानगिरि गाहाय फोरोंगिरिमोन आरो दासिमबो बियो लेंनाय प्रिन्चिपाल हिसाबै मावगासेनो दं। बे फरायसालिया गाहाय थाको KG निफ्राय 10 थाकोसिम आसामनि SEBA खौ थांकिनानै सोलोंथायखौ होनाय जायो आरो दासिमाव गासै 22 हान्जा मेट्रिक आनजाथखौ उट्रिबाय आरो गोबां बारग’लांनाय फराइसा-फराइसुलिफोरा गुबुन-गुबुन हालामाव मावनानै दंगासेनो जेरै - डक्टर, इन्जिनियार, लेक्छारार, फोरोंगिरि, अफिछार, बिजिनेचमेन आरो बेजोंनो फरायसालिखौ गोबां गोजौआव दिकांबाय। मुंक’जाथावदि सोलिबाय थानाय प्रिन्चिपाल, सबेन मुचाबारीआ आथिकालनि गासैबो आदब-कायदाजों लोब्बा थानानै फरायसालिखौ गोजौआव दावगाहोलांनायनि लामाजों दैदेनगासेनो दं।
शलोम बाइबेल कलेज (Shalom Bible College)
⇒ जोंनि नोजोर (Our Vision): गासै मन्दलि आरो समाजनि गेजेराव रोंगथि ख्रीष्टान लें दैदेनगिरि बानायनाय
⇒ जोंनि हाबा (Our Mission): शलोम बाइबेल कलेजआ ख्रीष्टान धोरोमारि कलेज, जाय नोजोरजों ख्रीष्टान फराइसापोरखौ थोंजोङै फोरोंनो आरो ईसोरनि गाहाम बाथ्रा ओरैनो होनायखौ मानसिफोरनि गेजेराव मिथिहोनो आरो बाइबेलनि दारै गोथौयै फोरोंनानै मन्दलिनि गेजेराव मोजाङै दैदेन्नो, ईसोरखौ गिग्रा आरो सिबिग्रा गिरजानि हाबाफारियाव नांथाबनान थानो, समाजनि गेजेराव आरो भुम नाङै ईसोरनि अन्नायखौ मानसिनि गेजेराव दिनथिनो।
⇒ जारिमिन (Hiistory): गोबाव समनिफ्राय “बर’ बेपतिष्ट चार्च एससिएसन” नि दैदेनगिरिफोरा सोद्रोमा गिरजाफोराव गाहामसिन्नै दैदेनलांनो हानायनि थाकाय रोंगथि गोनां आरो बाइबेलनि आका-फाका दैदेनगिरिफोरनि गोनांथिखौ मिथिबोदोंमोन आरो सिमां नुबोदोंमोन। रेवरंड W.G. क्रफ्टनि उनाव फैनाय आस्ट्रेलियान सिशनेरि रेवरंड P.N. इविंग आ 1975 माइथायनि 15 अक्ट’आव मोनसे बाइबेल ट्रेनिंग फरायसालि गाइसन्नो आरो बियो 1975 माइथायसिम सोलियो आरो बेयावनो रोंग’थिनि गोनांथि गामिनि सुबुंफोरखौ गुसुं समनि गोक्रों बाइबेलनि सोमोनदै फोरोंनायमोन। गु (9) बोसोरनि उनाव इन्डेपथ बाइबेल स्कुलखौ (Indepth Bible School) आस्ट्रेलियान मिशनेरि चचाइटिनिफ्राय राङारि मदद मोन्नायजों 1984 माइथायाव बेकेवनाय जायो आरो बेयावनो नै (2) बोसोरनि गोथौ बर’ रावआव सोलोंथाय होनाय जायोमोन।
इनटेपथ बाइबेल स्कुलआ 1991 माइथायसिम सोलियो आरो गुजिस्नि (97) सोलोंसाफोरखौ बारग’होनानै “बर’ भिजोन 2000” (Bodo Vision) खौ आकायाव लायो आरो 2000 माइथासिमाव बर’फोरनि गेजेराव ईसोरनि गाबाम रादाब फोसावनायनि थांकि लायो। नाथाय गोबं इवेन्जेललिष्ट आरो मावग्रा हान्जाफोरनि आंकाल जानायाव मावफुंनो हाययैकाय गोदान थांकिजों बाइबेल कलेज लुकांनो, फोरोंनो आरो ईसोरनिहाबायाव दैथायहरनो आकायाव लायो। 1988 माइथायाव आरोबाव गर’, बर’ आरो राभा इउनियननि (LABU) आफादनि गेजेरजों “शलोम बाइबेल कलेज” (Shalom Bible College) खौ अक्टबर दान्नि 6 अक्ट’आव थुक्राझारआव GiA (आगोलाव ABMS) नि रेवरंड रजार केम्पनि गेजेरजों गाइसन्नाय जायो। आथिकालाव ल’वार आसामाव बे मोनसेल’ कलेज दं आरो बेयाव गाहायाव होनाय सोलोंथायारि आइदाफोरखौ हानाय जायो जोरै - थीअलोजि चार्टिफिकेट, नै बोसोर (Certificate of Theology), थीअलोजि ग्रेजुवेट, नै बोसोर (Graduate of Theology), थीअलोजि बेच्चलर, ब्रै बोसोर (Bachelor of Theology) आरो गुहुन-गुबुन मान्दलि हाबानि थाकाय ट्रेनिंग।
⇒ सुबिदाफोर (Facilities):
- फराइसा थाग्रा न’ (Hostel): बे फरायसालिमायाव हौवासा आरो हिन्जावसाफोरनि आलादायै थाजाग्रा न’फोर दं आरो ज’यै जाग्रा न’ दं।
- बिजाब बाख्रि (Library): बे फारायसालिमाया बवैसो सिगांसो गोसो गुदुङै दान हरनायजों, बिजाब बाख्रि क’था कालामनो हाबाय आरो गासैबो नांगौबादि बिजाबफोर, सोमोनदो बिजाबफोर दंसै।
⇒ आरिमु (Academic): शलोम बाइबेल कलेजआ गोराथियै, गासैनि सोमोनदै आरो रोकोम-रोकोमनि नेम-कान्थि मानिनायजों फरायसाफोरखौ गोथौयै सान्नो गोनां कालानानै ख्रीष्टान आकुथाय दिन्थिनो आरो भुमजों नांनानै थानो फोरोङो। बेफोर थांकिखौ जाफुंहोनो SBC आ फरायसाफोरखौ लोगो नांनानै फोरोंगिरिफोरजों सावरायनानै हेफाजाब होलायनाय आरो सिनायथिखौ गावनो-गाव दिन्थिनो हानायनि फोथायनाय आरो लोलोंसा कालामनो आसा दं।
- थीअलोजि चार्टिफिकेट, नै बोसोर (Certificate of Theology),
- थीअलोजि ग्रेजुवेट, नै बोसोर (Graduate of Theology),
- थीअलोजि बेच्चलर, ब्रै बोसोर (Bachelor of Theology)
⇒ फोरोंगिरिफोर (Faculties): बे फरायसालिमायाव फरायसाफोरखौ जिउआव फेदेरलांनो, समाजआरि आरो हांक्रायब्लानो नुजाथिनो हानाय फरायसाफोर बानायनो, ईसोरखौ मानिग्रा जिउजों सुफुंजानाय, रोंमोनदांथि आरो गियानि फोथायसुला फोरोंगिरिफोर दं।
- रेवरंड अजिट बसुमथारी, Mth (Principal)
- रेवरंड डक्टर अरजुन बसुमथारी, Phd. (Academic Dean)
- बेन्जामिन मचाहारी, Mth (Worship In-Charge)
- राजेच इसवारी, Mth (Dean of Practical Ministry)
- अन्जालु नारजारी, (Dean of Student)
- महेस नारजारी, Mth
- सरजनी देवि बसुमथारी, MDiv (Part-Time)
⇒ थावनि (Location): आसाम हदरसानि ल’वार आसामआव शलोम बाइबेल कलेजआ मोनसेल’ ईसोरनि सान्थौ सोमोनदै फरायसालिमा (SBC), 230 Km. गुवाहाटी राजथावनि नोगोरनि गोजानाव दं। बे थावनिया सारिगिदिं हिमालय हाजोनि मिथिंगायारि समायनायजों थुक्राझार गामियाव दं, जि जायगाया बर’ बेपतिष्ट चार्च एससिएसननि गाहाय मावकुलि थीवनि। बे फारायसालिमाया कोलाथिं बंगाइगावन ट्रेन स्टेशननिफ्राय 30 Km. गोजानाव आरो भुटान रायजोनिफ्राय 25 Km. कोला गोजानाव दं।
⇒ जोंनि इयुन सम (Our Future): SBC आ फोथायथिों इयुन समखौ नायहरनानै ईसोरनि बोर होलांबाय थागोन होन्नानै फरायसालिमानि नोजोरजों थांगोन। बे फारायसालिमाया सा जौसे ब्रै (104) फरायसाफोर फरायसालिमानि आन्जाथखौ उथ्रिनानै LABU नि सिङाव थिनाय मान्दलिनि रोकोम-रोकोम ईसोरनि हाबाफारिफोराव नांथाबनान दं। बेबादिनो गोबां मान्दलि जोथोन लाग्रा आरो ईसोरनि राव फोसावग्रा मावथि बोक्थिफोर, गावबा-गावनि बिफानियाव आरो माकासेफोरा गोथौ गामि ओनचोलाव मावनानै दं। बेफोरनो मोनसे फरायसालिमानि सोलोंसा जानान मावनायनि सिनायथि आरो मान्दलिजों आरो समाजनि गेजेरावबो। बे गोजौ फरायसालिमानि बुजिनो गोनाङानो जाबाय, गामि ओनचोलनिफ्राय फैनानै, आथिकालनि गोदान मुलुगजों थांनान थानाय। जोंनि इयुन सम नुहुरनायानो सोलिबाय थानाय आयदाफोरखौ आकाय फोलावनो, लुकांनो आरो गोबां सोलोंसाफोर कालामनो। 2019 माइथायाव जोंनि फरायसालिमानि थावनिखौ थुक्राझारनिफ्राय कोक्राझार जिल्ला राजथावनियाव लांनायनि थांकि दं। गोबां गेदेमा आफागफोरजों लोगो लानाया जेबलायबो जोंनि नाजानाय थाबाय।
