न’कर बिफान (Home Mission)

न’कर बिफानआ (Home Mission) बर’ बेपतिष्ट चार्च एससिएसननि गं 199 गिरजोफोर आरो सा 17,000 नि बांसिन बेपतिष्टमा मोन्नाय सोद्रोमाफोरखौ जौगाथाय आरो दैदेन्नाय हाबाफारिफ्राव मोनसे गोनांथार बाहागो हिसाबै मावगासिनो दं। न’कर बिफाननि नेहाथारिजों नांनानै गिरजाफ्राव दैदेनगिरि आरो दैदेनलांनाय हाबाफोराव नोजोर आरो बोसोनफोरजों गिरजाखौ दैदेनलांनायाव मद’द खालामो। ओनसोलारि पेस्टरफोर, चान्दे स्कुल प्रमोटार आरो फरिसारिकाफोर (Women Pastor) गुबुन हाबाफोर लानानै गंफ्रोमबो गिरजाफोरखौ जौगाहोलांनो कांफ्लायो।

पेस्टरेल जोथोन (Pastoral Care)

रोंग’थि गोनां आरो गावखौ ग’थायसोनाय ओनसोलारि पेस्टरफोर, चान्दे स्कुल प्रमोटार आरो फरिसारिकाफोरा गिरजाफोर आरो सिबियारि हानजाफोरखौ गाहायाव होनाय आदब-काइदाफोरजों दैदेनलांनाय जायो:

⇒ बाइबेल देहेन: नांगौबादि सम-सम बाइबेलनि सोमोन्दै बांसिन मिथिनो आरो बुजिनो हानायनि हाबाफारि लानाय जायो, सायक’नान लानाय आइदाफोरनि सायाव जेरै: 

• न’कर जोथोन लाग्राफोरनि थाकाय बिबुंसार सुजुनायनि हाबाफोरि 
• सानफ्रोमबो ओनसोलारि पेस्टरफोरा बाइबेल देहेन्नि हाबाफोरिखौ 12 - 15 गिरजा आरो सिबियारि हानजाफोराव आरो आइजोफोरनि थाकाय आलादा बाइबेल देहेन कालामनायनि हाबाफोरि

⇒ गिरजा गिदिंनाय: गोथों जिउनि सोमोनदै जोथोन लानायनि गोनांथिखौ गिरजाफोराव थुलुंगा होनायजों फोरोंनाय, न’कर गिदिंनाय आरो बानजायनाय:

• गिरजा दैदेनगिरिफोरजों लोगो लाज्लायनाय 
• उदै बासिनाय आरो जिन्जिरि आरज फाथिनाय
• कुलुमनाय समाव लोगो लाफानाय

⇒ शुक्रबारनि कुलुमनाय: न’कर आरो समाजआव ख्रीष्टान आखल-आखु फोरोंनाय, आइजो सोद्रोमाफोरखौ जिउआव देरलांनो थुलुंगानाय आरो लुकांनाय हाबाफारिफोर जोरै:

• आइजोफोरनि बाइबेल देहेन
• आइजो पेस्टरफोरनि गिरजा सोलाय-सोल’
• दान्नि सेथि सबथायाव उदै बासिनाय आरज हाबाफोरि 

⇒ चान्दे स्कुल आरो लाइमोन आफाद: ख्रीष्टान सोलोंथाइयाव गोहोम गोनां आक्जुफोर जानो आरो जिउआव देरलांनायनि थाकाय चान्दे स्कुल आरो लाइमोनफोरनि कुलुमनायाव जौगाहोनाय आरो गोथां लामा दिन्थिनायनि हाबाफारि: 

• चान्दे स्कुल आकाय बिजाबनि गेजेरजों हानजा फोरोंनाय
• मिरु लाइमोन आफादनिफ्राय बोसोररारि आन्जाथ फाथिनाय। आन्जाथआव सेथि, नैथि आरो थामथि जायगा मोन्नायफोरखौ लाइमोन आफादनिफ्राय बान्था होनाय जायो
• बेलासिनि आरज जथुम्मा
• लाइमोनफोरनि सोलाय-सोल’ हाबाफोरि
• मेथाइ बादायलायनाय
• मिथिस्लाबै बाथ्रा बादायलायनाय    

⇒ गिरजा दैदेनगिरिफोरखौ लुखांनाय: पेस्टररारि हाबायाव गोहोम खालामनो आरो गाहाम रादाबखौ रानज्लायनायनि आदब-कायदा:

• जि-सान (10) इनडेपथ बाइबेल ट्रेनिंग फाथिनाय
• गिरजानि पेस्टरफोरखौ सोलाय-सोल’ कालामनाय आरो लोगो लाज्लायनानै सोलोंलायनाय
• ट्रेनिंग आरो सेमिनार फाथिनाय

⇒ गथ’फोरनि इवेन्जेलिजम हाबाफारि: गथ’फोरनो बिफा ईसोरनि गोथार बोसोनखौ फोरोंनाय आरो बेफोरबादि:

• गुबुन-गुबुन पेस्टररारि ओनसोलाव गथ’फोरनि जौगाथायनि हाबाफारि फाथिनाय
• गुबुन-गुबुन गिरजाफोराव गथ’फोरनि इवेन्जेलिजम हाबाफारि फाथिनाय

⇒ बानजाय आरो सावराय मेलफोर: न’कर हाबा मावगिरि बिफान्ना मोजां जोथोन आरो गोसो होसारनायजों मोजां-मोजां नैथि सारिनि दैदेनगिरि बानायलांनो फोरोंनायफोरजों, बानजाय मेल आरो थुलुंगा होनाय हाबाफोरि मावलांनो:

• गिरजा जौगाथाय आरो मोजां सिमां नुहोनायनि बानजाय मेल कुंनाय
• फोजाखांनाय
• रोंग’थि गोनांथि जानाय गिरजानि दैदेनगिरिफोरखौ गोथौयै बाइबेलनि बिसय फोरोंनाय
• लाइमोनफोरखौ थांनान थानायनि राहा लामा दिन्थिनाय आरो बानजायनाय

आइजो आफादनि मावनायफोर (Women Ministry) 

बि बि सि ए नि आइजो आफादआ 1947 माइथायाव गोख्रों माहरै बे मोन्थाम थांखिफोरखौ लानानै गायसनजादोंमोन: (i) मोजां ख्रीष्टान न’कर लुखांनाय, (ii) गासै गिरजाफोराव शुक्रबारनि आइजो कुलुमनाय सिबिनायखौ जौगाहोलांनो आरो (iii) एससिएसनखौ जिउ लुखांनायाव मद’द होफानो। थांनाय 1977 माइथायाव आइजो आफादआ स’नाथि जुबिली फालिनाय समाव रोजा-रोजा आइजोफ्रा आफादजों कौसे जानानै गाजा-गोमजायै फालिदों आरो बिफा ईसोरनो बिनि गासै रोकोमनि बोर आरो फोथायजाथाव हाबाफोरनि थाकाय रोजा-रोजा हामबाय होदों। आइजो आफादआ दायो 2022 माइथायाव हिराथि जुबिलीखौ बांसिन गाजा-गोमजायै कुंफुंनो बिफा ईसोरनियाव आरजों नेगासेनो दं। बि बि सि ए आ आइजो बेपतिष्टमा मोन्नाय सोद्रोमाफोरा 8,500 निबो बांसिन दंसै, लोगोसे 14,000 नि बांसिन उन्नदै हिन्जावसाफोराबो दं।

आथिखालाव गासै सा जिनै (12) आइजो इवेन्जेलिष्टफ्रा बे आफादजों दैदेनजानानै दं आरो बिसोरो गिरजाफोरनि आइजोफोरखौ गोबां बिथिङाव बोसोर नङैै माद’द खालामो। मुंख’जाथावदि बे हाबाफारिनि गेजेराव जेरै: शुक्रबारनि कुलुमनाय सिबिनाय, आइजोफोरनि बाइबेल देहेन, आलादायै गोनां आइजो दैदेनगिरिफोरनि बान्जाय मेल, बोसोररारि जथुम्मा, देहानि सोमोनदै मिथिसारहोनाय, आरज आरो उदै बासिनाय हाबाफारिफोर, रिलिफनि आरज सान फालिनाय, बान्जायनाय, आइजो पेस्टरफोरनि सोलाय-सोल’ न’कर गिदिंनाय, गिरजा गिदिंनाय आरो बिमानि सान फालिनाय बाइदि-बाइदि। गासैबो आइजोफोरा संनायनि सिगां कन्फ्रोमबो माइरं मुथि ईसोरनि मुङाव दोन्नाय जायो आरो बेखौनो रुबिबाराव गिरजायाव फैब्ला बिफा ईसोरनियाव होफैयो आरो आरजजों बिनो ग’थाइयो, बे गासैबो आइजो आफादआ ईसोरनि गाहाम हाबा मावनायाव बाहायो।

लाइमोन आफादनि मावनायफोर (Youth Ministry)    

बि बि सि ए नि लाइमोन आफादआ 1955 माइथायनि एफ्रिल दान्नि 16 अक्ट’कालि रुंसारि रेवरंड सुबिदार बरग’यारी (गाइसनगिरि आफादगिरी) आरो रुंसारि निबारु नारजारी (गाइसनगिरि नेहाथारि) मोनजों बे थांकिखौ लानानै "गासै लाइमोन ख्रीष्ट’नि" गाइसनजायो। सिगाङाव बियो "आडयोग समिति" मोन, नाथाय 1966 माइथायाव "इयुथ कमिटी" आव सोलायासै। 2005 माइथायाव बि बि सि ए नि लाइमोन आफादआ स’नाथि जुबिली गाजा-गोमजा खुंनायजों बिफा ईसोरखौ हामबाय होनायजों समाइहोयो।

आथिकालाव लाइमोन आफादआ सा जिनै (12) चान्दे स्कुल प्रमोटारखौ लानानै गासै एससिएसननि लोइमोन आरो गथ’फोरखौ जोथोन लागासेनो दं आरो लुकांजेनायनिफ्रायनो लाइमोन आफादआ लाइमोनफोरखौ गुबुन-गुबुन हाबाफारिफोरनि गेजेरजों बिफा ईसोरनि थाखाय गावखौ माबोरै ग’थायनांगौ आरो बिनि हाबाखौ मावलांनांगौ बेफोरखौ फोरोंबोगासेनो दं। बेफोरनो जादों: बोसोररारि लाइमोन जथुम्मा, गथ’फोरनि फोरबो (Chirldren Festival), गथ’फोरनि इवेन्जेलिजम, लाइमोनफोरनि सावराय जथुम्मा, फरायसालिमा फरायसा लागो लाज्लायनाय (Inter-collegiate Meet), केला गेलेनायजों मिनिष्ट्री, थांनान थानायनि राहा लामा दिन्थिनाय हाबाफारि, आरज आरो उदै बासिनाय, चान्दे स्कुल, बाइबेल देहेन आरो सोलोंथाइयारि आरो बाइदि-बाइदि। मुंख’जाथावदि गथ’फोरनि फोरबोआ गोबां मानसिफोरनि अन्नाय आरो थुलुंगानाय मोनदों। बे हाबाफारिखौ चेपटेमबार-अक्ट’बर दान फोरबोनि बोथोराव सानबा (5) नि थाकाय लानाय जायो। बेयाव उन्दै गथ’फोरखौ आरो गोजौ फराइसा लाइमोनफोरा ब्रै रोजा (4,000) निबो बांसिन बाहागो लायो। बर’, असमिया, नेपाली, इंलिश राववाव बे फोरबोखौ कुंनाय जायो। बिमा-बिफा आरो मन्दलि दैदेनग्राफोराबो बाहागो लानानै गावसोरनि गथ’फोरखौ ईसोरनि गाहाम बाथ्रा सोलोंनायाव थुलुंगा होयो। 

फोरोंथाय हाबाफारि (Traning Programs) 

फोरोंथायनि बेलायाव न’कर बिफान मावगिरिया मोजां जोथोन आरो गोसो होसारनायजों मोजां-मोजा नैथि सारिनि दैदेनगिरि दिहुनलांनो थाकाय फोरोंनायफोरजों, बानजाय मेल आरो थुलुंगा होनाय हाबाफारि मावगासेनो दं, जेरै:

► चान्दे स्कुल फोरोंगिरि ट्रेनिंग

► मन्द’लि नाय बिजिथनाय सावराय मेल

► मन्द’लि जौगाथाय सावराय मेल

► लोगो लोज्लायनाय

► फोजाकांनाय

► इनडेपथ बाइबेल ट्रेनिंग

► थांनान थानायनि राहा लामा दिन्थिनाय आरो बानजायनाय

बिबुंथि हो