देहा फाहामनाय हाबा (Health Ministry)
बै समाव बे ओन्सोलाव मोजां देहा फाहामसालि आरो देहानि गासैबोनि बिथिङाव मोजां फोरमायगिरि गैयैनि जाहोन्नाव सुहुंफोरा गोबां कस्ट’ मोनदोंमोन। नाथाय मिशनेरिफोरा नुथायफोरखौ नुनानै गोग्लैसोनान थानाय गामि ओन्सोलाव कामिनाय सुबुंफोरनि थाकाय देहानि जोथोनसालि एबा देहानि फाहामसालि गायसन्नो आकायाव लायो। गामि सिङाव कामिनाय सुबुंफोरा थांलाय फैलाय आरो थाग्रा न’नि रं बाहायनायाव जब्राखौ सिकिटसा कालामनायनिबो बेसेन रांफोर बाहायनांगौ जायोमोन। बिनिकायनो देहानि गिबिसिन गोनांथिफोरखौ मोनसे उकुमसिङाव गोरलैयै मोन्नाो हानायबादि “क्राफ्ट मेमरियेल हचपिटाल“ आरो “गामि देहा फाहामसालि” खौ गाइसन्नाय जादों।
क्रफ्ट मेमरियेल हचपिटाल (Crofts Memorial Hospital)
जेब्ला क्रफ्ट मेमरियेल हचपिटालखौ 1956 माइथायाव गाइसान्नाय जादोंमोन अब्ला गुविन्ट क्रफ्टआ गावनि संग्रा न’नि थोरसि दोनग्रा आलमिराखौ बाहायनानै जागायजेनो। दायो गोबाव बोसोरनि उनाव बे एखे देहा फाहामसालियानो थुक्राझारनि गासै गंजिदायन (18) एम (bed) थानाय गुदि देहा फाहामसालि जानानै दं। मुंक’जाथावदि बे देहा फोहामसालिआव एसेल’ रांजों मोजां गोहोम गोनां सिकिटसाखौ होगासेनो दं, लोगोसे देहा जोथोन्नि आदब-खायदा आरो गासैबो माहारि, धोरोम आरो थाकोनि सुबुंफोरखौ समानै नोजोरजों सिबिगासेनो दं आरो बेजोंनो जिसुनि अन्नायखौ दिन्थिगासेनो दं।
गामि देहा फाहामसालि (Village Clinics)
बै समाव दैज्लांनि बेथोराव गामिसिङाव कामिनाय मानसिफोरा गोबां कस्ट’ मोनांगौ जायोमोन। बिनिकायनो क्रफ्ट मेमरियेल हचपिटलआ “गामि देहा फाहामसालि” फसंनानै गोबां जब्राफोरखौ गामिसिङावबो सिकिटसा होनो हादोंमोन।
