बर’ बेपतिष्ट चार्च एस’सिएसन आ  मोन्नै गुबुन-गुबुन राइजोनि (हादरमा) सुबुंफोरजों जागाइनाय जादोंमोन – एमेरिकान बेपतिष्ट मिशन आरो अष्ट्रेलियान बेपतिष्ट मिशनेरि चचाइटि। उमन खे. माराक (Umon K. Marak), गार’ हारिनि जिसुखौ नाजावनाय बेक्थिखौ एमेरिकान बेपतिष्ट मिशनेरिनि ए. जे. त’थोल आ थिनहरजेनाय जादोंमोन, जाइ बेक्थिया गवालफारा जिल्लानि साहाथिं थानाय 250 km. गुवाहाटी सहरनिफ्राय गोजान, थुक्राझार गामि ओनसोलाव जिसुनि गाहाम रादाबखौ बर’ हारिनि गेजेराव फोसावफैजेनाय जादोंमोन। 1927 माइथायाव माराक बिथांआ गवालफारा बर’ बेपतिष्ट चार्च इउनियन होन्नानै गाइसनजेनाय जादोंमोन (दायो बर’ बेपतिष्ट चार्च एससिएसन)। एमेरिकान बेपतिष्ट मिशनेरिआ मावग्रा हानजा गैयैआव जोथोन लानो हायैयाव बारा गोबाव मावनो हायाखैमोन आरो 1946 माइथायाव अष्ट्रेलियान बेपतिष्ट मिशनेरि चचाइटि (दायो ग्लबेल इन्टारेक्सन) नो जोथोन लोनो थाखाय गथाइनान होयो। एमेरिकान बेपतिष्टआ 1946 माइथायाव गथाइनान होदोंब्लाबो, 1947 माइथायनिफ्रायसो अष्ट्रेलियान बेपतिष्ट मिशनआ गोख्रोङै थुक्राझार ओनसोलाव बर’ गामिफोराव कामानि मावजेनो हमदोंमोन। 1947 नि मे दननि 17 अक्ट’कालि, भारत उदांस्रि मोनायनि दान मोनथामनि उनावसो, अष्ट्रेलियान बेपतिष्ट निफ्राइ रेवरंड विलफ्रेद आरो गुविन्ट क्राफ्ट मोनखौ थुक्राझार गामियाव थिनहरजेनाय जादोंमोन।  

अष्ट्रेलियान बेपतिष्ट मिशनेरि चचाइटि आ बर’फोरनि गेजेराव 21 बोसोर मोजां आरो गोख्रोङै कामानिफोरखौ मावनय जादोंमोन। नाथाय 1968 माइथायाव बिथांमोना बर’फोरनि गेजेरावनो दैदेनगिरि साइख'नानै होनाय जोदों। दोयो बर’ बेपतिष्टआ 1927 माइथायखौ बर’ बेपतिष्ट चार्च एससिएसननि  गाइसन्नाय आरो जागाइजेनाय बोसोर होन्नानै नाजावनान लानाय जाबाय।

b. हिसाब

• गासै सुबुं अनजिमा (हिसाब मोन्नायबादि) - 40, 000
• गासै बेपतिष्मा मोन्नाय सुबुं अनजिमा (हिसाब मोन्नायबादि) – 17, 000 
• गासै पेस्टर जोथोन लाग्रा ओनसोलफोर – 6
• गासै मन्द’लिफोर / सिबियारिफोर जथुमग्रा – 199
• गासै नख’र मन्द’लि बेंग्रा हानजा – 35
• गासै गुबुन जायगाफोराव गाहाम बाथ्रा फोसावग्रा हानजा – 37
• गासै ईसोरनि हाबा मावनो थाग्रा न’ ओनसोल – 18
• गासै फराइसालि – 2, फराइसालिमा – 1, जब्रा फाहामसालि – 1

2. गुबुन ख्रीष्टान आफादफोरजों सोमोनदो लाकिनाय

ल'वार आसाम बेपतिष्ट इउनियन, नर्थ-इष्ट ख्रीष्टान कावन्शिल, कावन्शिल बेपतिष्ट चार्च - नर्थ-इष्ट इन्डिया, एसिया फेसिफिक बेपतिष्ट फेदारेसन, बेपतिष्ट वर्ल्द एलाएस, ग्लबेल इन्टारेक्सन, टुरा बेपतिष्ट चार्च, इवेन्जेलिकेल फेलोशिप - इन्डिया, इन्डिया मिशन एससिएसन, MUT, NEICORD, सेवा भारत, बर' ख्रीष्टान ब'र्ड, नेशवनेल बर' ख्रीष्टान कावन्शिल, इन्टार चार्च पिच मिशन, बर' बेपतिष्ट कन्भेन्शवन, आंगामि बेपतिष्ट चार्च कावन्शिल.

3. बिबानगिरि हाबा मावग्रा हान्जानि मुंफोर (2019 – 2021)

• गाहाय आफादगिरि                        : नबिन बसुमथारी 
• लेंनाय आफादगिरि                        : बिनय बसुमथारी 
• गाहाय नेहाथारि                           : फ्रसेन्जिट बसुमथारी
• नेहाथारि (नख’र मनद’लि बिफान)        : सन्जिब इचवारी
• नेहाथारि (फोसाव बिफान)                 : मनेन नारजारी
• नेहाथारि (रांखान्थि)                          : लिबियन इचवारी
• रां हिसाब दोनग्रा                           : उफेन बसुमथारी

4. बर’ बेपतिष्ट चार्च एससिएसन नि मावबाय थानाय फोरमान

a. गुबुन जाइगायाव हाबा मावनाय:

बर’ बेपतिष्ट चार्च एससिएसनआ आसामनि गोबां जाइगाफोराव ईसोरनि हाबा मावनो थुलुंगा मोन्नाया 1980 माइथयाव जिउ सिरि मोन्निायनि उनावसो जौगाखांदों आरो गिबिसिन (मन्नदलिनि जिउ सिरि मोन्नाय) जादोंमोन। बिनि हरखाब सोलायनाय फोरमान मोन्नाया रोंगथि गैयै बेक्थिफोरा ख्रीष्ट'नि गाहाम रादाब फोसावनायाव थैसोमनाय आरो 1980 माइथायाव गचपेल फेलसिप लुखांजानाय जायो। बिनि उनाव 1991 माइथायाव मिसन आरो इवेन्जेलिजम आफादआ रादाब फोसावनायनि साकि एबा फोरमान दिन्थिनो दाजायो। दासिमाव 18 रादाब फोसावग्रा ओनसोलफोरा आसाम आरो गुबुन हादर आरो हादरमायाव 36 जन मावथि रादाब फोसावग्रा गुबुन हारि-हारिमुनि गेजेरावबो मावगासिनो दं। बेफोरबादि ओनसोलनिफ्रायनो गोबां ईसोरखौ मोन्नानै बेपतिष्टमा लानाय फोरमान दं आरो बेखौ नोजोर होनानै गोदान आरो मिथिस’यै जाइगाफोराव ख्रीष्ट'नि गाहाम रादाबखौ फोसावनो गोदान आरो बांसिन मावथि हानजा दैथाइहरबावनो थांखि दं। बेखौ लानानै बांसिन आरो गोख्रोंसिननै हाबा मावनो थाखाय 2016 माइथायाव UCPI (United Christian Prayer for India) जों लोगो लानानै मावगासिनो दं।

b. बोसोन होग्रा बिबानगिरि (Pastoral Ministry):         

1991 माइथायाव नख’रनि मनद’लि बोंग्रा (Home Mission) आ मन्द’लिफोरखौ थुलुंगा होबाय थानो थाखाय दाजानाय जायो। बे दालाय आफादआ मन्द’लिफोरखौ गाव हारसिं गसंथानो हाग्रा, नियमबादि जि भागनि से भाग दान होग्रा आरो बोसोररारि होनो गोनां रांफोरखौ समबादि होनो थुलुंगा होबाय थायो। दासिमाव बे दालाय आफादआव गासै 35 मावथि बेक्थिफोरा 195 मन्द’लि / सिबियारिखौ द’ (6) ओनसोलाफोराव गोख्रोङै मावगासिनो दं। बिनि बादैबो बे आफादआ गासै बि बि सि ए नि मावनाय, नोजोर होनाय, थुलुंगा होनाय आरो साखिबादि जानाइलाय, गासै बि बि सि ए नि नेम-खान्थिनि बिबानखौबो दैदेनो।

c. सोलोंथाय/फोरोंथाय हाबा (Education):

बे एससिएसनआ जागाइजेनायनिफ्रायनो गावनि मानसिफोरखौ नोजोर होनानै फोरोंनायखौ गिबि गोनांथिसिन सान्नान लादों। एमेरिकान बेपतिष्ट मिशनेरिनि रेवरंड फि.एन ईविं मोन्ना फराइसालि लुखांनान होनानै फोरोंनाय आइदायाव गोबां हेफाजाब होदोंमोन। बे आफादआ फोरोंनाय आइदायाव गोबां नांथाबनान JD Williams English School खौ 1984 माइथायाव रोंग'थि सोलोंनाय, ख्रीष्ट'नि सोलोंसा, मोजां नोगोररारि आरो इउन्नि दैदेनगिरि खालामनो गाइसनाय जोयो। बिनि बादैबो 1998 माइथायाव गुन गोनां गोजौ धोरोम सोलोंसा फराइसालिमा गाइसन्नानै ईसोरनि हाबा मावनो सोलोंसाफोरनो M.Div., B.Th. आरो गुबुन थाखो फोरमान बिलाइ होयो।     

d. जब्रा फाहामसालि आरो देहा जोथोन हाबा (Medical and Health Ministry):     

आफाद जागाइजेनायनिफ्रायनो मुलिजों देहा मोजां लाखिनायआ मोनसे मावनो गोनां हाबानि बाहागोबादि नांबाइथानाय आखुथाय जाबोदों। गोरलै जायगानिफ्राय जागायनायनिफ्रायनो, गिबिसिन अष्ट्रेलियान बेपतिष्ट मावथि हानजाया एससिएसननि क्राफ्ट मेमरियेल हचपिटाल 1956 माइथायाव गाइसनाय जादोंमोन आरो फाहामसालिनि मुंखौ ABMS नि रादाब फोसावग्रा विल्फ्रेद आरो गुविन्ट क्राफ्ट नि मुङै दोन्नाय जायो। दायो बे फाहामसालिया गाव-हारसिङै गसंथानानै एसेल’ रांजोंनो 15 जन जब्रा उन्दुग्रा दं, मोजां गुनगोनां देहा जोथोन लाग्रा, ख्रीष्ट'खौ सिगां दोन्नानै देहा जोथोन लायो आरो गुबुन-गुबुन हारिनि मानसिफोर, समाज, धोरोमनि गेजेराव निदानखौ फाहामनाय जायो। बिजों लोगोसे एससिएसन बेतेल फ्रेयार थावार (1998 माइथायाव गाइसनाय) आवबो रोंग'थि गैयै बोक्थिफोराबो, सान-हर उखैहाबजानानै ख्रीष्ट'नियाव आर’ज गाबनायजों, गुबुन हारि, धोरोमब्लाबो लोमजानाय, दुखु-निदानाव गोग्लैनाय बेक्थि आरो नख’रफोरनि थाखाय ईसोरनिआव गथायबाय थानानै फाहामो।

e. सहाय आरो जौगानाय (Relief & Development):

एससिएसननि दालाइ आफाद, सहाय आरो जौगानाय (Relief & Development) आफादआ अष्ट्रेलियान बेपतिष्ट मिशनेरिनि 1950 माइथायाव गावजों-गाव दावराव, एना-एनि जानाय समाव मद’द हेफाजाब होनायखौ नोजोर होनानै, सुबुं हेफाजाब होगासिनो दं। बे दालाइ आफादआ, जानान थांनाय 1996, 2011 आरो 2012 माइथायफोरनि दावराव समाव गोख्रोङै मद’द आरो सहाय होनो मोनदों। NEICORD नि दैदेनजानाय, 2005 माइथायाव गाइसनजानाय गवालफारा इन्टिग्रेट कमिउनिटि डिवेलप्मन्ट प्र'जेक्ट आरो BWAA जों दैदेनजानाय, 2002 माइथायाव गाइसनजानाय सोरां फेमिली डिवेलप्मन्ट प्र'जेक्टनि गेजेरजों मानसिफोरनि गेजेराव जौगानाय लाबोनाय/लुखांनो हानाय मावसुला कालामगासिनो  दं। 2009 माइथायाव गाइसनाय, एससिएसन बर’ बेपतिष्ट एड आरो डिवेलप्मन्ट आ ख्रीष्टान आखुथाइ लानानै देहा गेग्लैसोनाय (लोमजानाय) आरो मिथिंगायारि खैफोत समाव, समाजारि आरो सुबुं नांगौ जानायखौ जगायगासिनो दं।  

फ्रसेन्जिट बसुमथारी

गाहाय नेहाथाररि, बि.बि.सि.ए