फोसाव बिफान (Mission And Evangelism)
बि बि सि ए नि मिशन आरो इवेन्जेलिजम आफादआ मोनसे सिन्स्रिबादि, मानोना जाइनि दारै जों गुबुन-गुबुन राव हारिमुनि सुबुंफोरनो बिनि गाहाम रादाब कोथानय, गोदान गिरजाफोर गायसन्नाय आरो बिखौ मिथियै जायगाफोराव गोख्रों गाहाम रादाब फोसावग्रा ख्रीष्ट’नि हान्जा फोसावनाय हाबाखौ मावगासेनो दं आरो बेनो जोंनो होनाय ईसोरनि गेदेद बिबान। बे मोनसे गोनां दालायसा आफादखौ मिशनेरि हाबा आरो बांसिन्नै गोख्रोंसिन कालामनो थाकाय 1979 माइथायाव गायसान्नाय जादों। बे आफाद आरो गचपेल फेलोशिपजों लोगो नांनानै मोनहैयै जायगाफोराव गाहाम रादाब फोसावनायनि हाबाफारिखौ मावगासेनो दं। गचपेल फेलोशिपआ मोनसे बेतेल फ्रेयार थावार सलायो आरो सोरनोबा सोकाजानाय नांगौब्ला जिसु ख्रीष्ट’खौ फोथायग्रा बिनि थाकाय फोथायनायजों बिफा ईसोरनियाव मोदोमनि आरो जिउनि सोखाजानांगौनि थाकाय आरज कालामनानै होयो। आरो बेयो एससिएसननि क्राफ्ट मेमरियेल हचपिटेल (थुक्राझार) जोंं सोमोनदो लाकिनानै हाबाफारिखौ मावो।
आउटरीच मिनिष्ट्री (Outreach ministry)
बर’ बेपतिष्ट चार्च एससिएसनआ जागायजेनायनिफ्रायनो गाहाम रादाब कोथाबायनायखौ बांसिन गोनांथि होन्नानै मावबोदों आरो बे बिथिङाव मिसन आरो इवेन्जेलिजमआ गोनांथार बिबान लानानै दं, मानोना एससिएसनहा मोनसे गेदेद सिमां दं जे, जायफ्रा बासायनायनि सोमोनदै दासिमबो कोनायाखौ बा मिथियाकै आरो जाय फोरबु जिसुखौ फोथायनायजों मोन्नोहायो बेखौ मावफुंनायनि।
मिसन आरो इवेन्जलिजमखौ 1991 माइथायाव रुंसारि सुलेन बसुमथारीआ (बारग’ गाहाय नेहाथारि) बर’ भिजोन 2000 खौ जाफुंसारहोनो बे बर’ भिजोन 2000 हाबाफारिखौबो एससिएसनआ बे बोसोरावनो मोनहायैफोरखौ मोनहैनो आरो गं 100 गोदान गिरजा गायसनायनि आरो जौसे (100) ईसोरनि हाबा मावग्राफोर दैथायहरनो थांखि लानाय जोदोंमोन आरो बर’ बेपतिष्ट (थुक्राझार) आ गासै 97 मावग्राफोरखौ लानाय जायासै।
बे बर’ भिजोन 2000 आ आसा कालामनायबादि जाजोबाकैब्लाबो बे आफादआ गाहाम कोथानायनि हाबाखौ गोख्रोङैनो मावगासेनो दं आरो लोगोसे दासानदि गुबुन-गुबुन मिसन स्टेशनखौ जोथोन लायो। बि बि सि ए आ दासिमाव बाजिनि (50) काथियाव मिशनेरिफोर दं बेबादिनो गुबुन-गुबुन राव हारि हारिमुनि गेजेराव आरो गुुबुन-गुबुन जायगाफोराव आसामनि आरो आसामनि बाहिरायाव आरो मुंख’जाथावदि, जोंनि काथिनि नेपाल आरो भुटान हादोरमायावबो स्टेशन आरो मिशनेरिफोर दंसै।
फोरोंनायनि हाबाफारि आरो सावराय मेल (Traning and Seminar) कुंनायफोरा बे आफादनि मोनसे गोनां हाबाफारि आरो हाबाफारिखौ बे आफादआ बोसोर नाङै मावबाय थायो आरो गासै गिरजा आरो फेलोशिपफोरखौ थुलुंगानायजों मिशनेरिफोरनि थाकाय मद’द हांक्रायो आरो बिफा ईसोरनि हाबाफारिखौबो मावो। बेनि अन्गायैबो रोंग’थि गोनांथि जानाय सुबुंफोरनो माबोरै गिरजा आरो फेलोशिपफोरखौ दैदेनायनि आद’ब कायदा फोरोंनायजों फोरबुनि हाबा मावनो आरो गिरजाफोरखौ आरो फेलोशिपफोरखौ बिफानियाव।
गचपोल फेलोशिप (Gospel Fellowship)
बर’ बेपतिष्ट चार्च एससिएसननि गिरजफोराव 1970-80 माइथायाव मोनसे गेदेद जिउ सिरि मोन्नाय सफैदोंमोन आरो बे समावनो 1979 माइथायाव गचपेल फेलोशिपखौ गाइसानाय जादोंमोन, नाथाय बेखौ गिबियाव "ले इवेन्जेलिकेल फेलोशिप (Lay Evengelilcal Fellowship)" बुंनाय जायोमोन। बे आफादआ मिसन आरो इवेन्जेलिजमजों गोरोबनानै आरो गावखौ ग’थायसोनानै बिफा ईसोरनि गाहाम रादाबखौ गुहुन-गुबुन माहारिनि गेजेराव हाबाफोरखौ बर’नि हारिमुजों गोरोबनाय मेथाइफोर, दामनाय-देनायफोर आरो साकिफोरजों बिफा ईसोरखौ बाक्यनायनाय जायो।
गचपेल फेलोशिपहा बेतेल फ्रेयार थावार (Bethel Prayer Tower) दंनाय 1998 माइथायनि नवेम्बर दान्नि 27 अक्ट’आव गाइसनजादोंमोन, बै समनिफ्रायनो नैजिब्रै (24) घन्टा कुला थायो आरो फोरबुनियाव गावखौ गथायसोनानै सुबुंफोरा लोमजानाय आरो सैनांनाय सुबुंफोरनि थाकाय आरज उदै बासियो।
सोमजिनायनिफ्रायनो बे आफादआ बोसोररारि सोद्रोमाफोर (थाम रोजानिबो बांसिन दं) आरो गोसो गुदुं दान होग्राफोरनि होनाय रांफोरजों सोलिबोगासेनो दं, लोगोसे बि बि लि ए नि सिङाव थानाय गिरजाफोर आरो फेलोशिपफोराबो दानफोर कांनानै हयो। माकासे हाबाफारिफोरखौ बे आफादआ मावबाय थानाय जायो, जेरै (i) हान्जायै गाहाम रादाब फोसावनाय, (ii) जिउ सिरि मोन्नाय जथुम्मा (Revival Conference), (iii) सोकानाय हाबाफारि (Healing Program), (iv) उन्दैसा आरज लोगोफोर (Young Prayer Partner), (v) नक’राव बोरनि आरज लोगोफोर (Family Blessing Prayer Partner) आरो (vi) बेतेल फ्रेयान थावार (Bethel Prayer Tower)।
