समाज सिबिनाय

बर’ बेपतिष्ट एड आरो डिवेलप्मन्ट (Boro Baptist Aid and Development, BBAid)

BBAid आ मोनसे बि बि सि ए नि दालायसा आफाद, बेखौ 2010 माइथायाव जौगाथाय आफाद हिसाबै गायसनजानाय जादों। गासैबो हारि, धोरोम आरो थाकोनि सुबुंफोरखौ मोनसे नोजोरजों नायनानै समाज जौगाथाय एबा अलकट समाव गोख्रै मदद कालामनायनि हाबाफारि मावनायजायो। बे आफादआ गुबुन-गुबुन ख्रीष्टान रिलिप हानजाफोरजों गोरोबनानै मावनो लामा दिनथियो आरो बि बि सि ए नि सोद्रोमा गिरजाफोरखौ जौगाथाय आरो रिलिप हाबायाव थुलुंगा होयो। अलकटनि समाव बेयो नांगौबादि गोवनो-गोव अन्सुंथायफोरखौ होयो, जेरै मानसिनि गोनांथि, रांखान्थिनि गोनांथि आरो बेसाथनि गोनांथि।

BBAid नि मावनाय हाबाफारिफोर: 

• अन्सुंथाय हाबा (Relief Service): आसाम हादोरसाया मोनसे मिथिंगायारि एबा मानसि बानायनाय कैफोरथफोरजों नाख्रेब जानाय जायगा। बेफोरखौ नोजोर लाकिनानै BBAid आ बे जौगाथाय आफादनि गेजेरजों बोसोरफ्रोमबो सोद्रोमा गिरजाफोरनिफ्राय आरो गोसो गुदुं सोद्रोमाफोरनिफ्राय धोन जमा कालामनो आरो नांगौ अलखट समाव गोग्लैनाय मान्सिफोरखौ मदद कालामो। बेल’ नङा बि बि सि ए आ बे आफादनि दारै गुबुन-गुबुन ख्रीष्टान आफादफोरजों लोब्बा नांनानै हाबाफोरखौ काथियाव आरो गोजान जायगाफोरावबो मावो। मुंक’जाथावदि 2018 माइथायाव जानानै थांनाय खेरेलानि गेदेट दै बाना, स्रि लंखानि दै बाना, नेपालआव जानाय बांग्रि आरो बायदि-बायदि अलकट जानायफोराव बे आफोदआ हानायबादि हाबाफारिफोरखौ मावबोगासेनो दं।
• रांखान्थिआव जौगानाय हाबाफारिफोर (Economic Development): काथि कालानि ओन्सोल, जिल्ला एबा आसाम हादोरसाया आबादजोंनो थांनानै आरो गासै हादोरसानि रांखान्थियाबो आबादनि सायावनो सोनारो। बेनिकायनो BBAid आ जिल्ला एग्रिखाल्सार अपिस आरो KVK (ख्रिसि बिगियान खेन्द्र) खौ  लाफानानै आबादारिफोरजों सम-सम सावराय मोल आरो फोरोंथाय हाबाफोरिखौ गोनोखोआरि आदब-कायदाजों मावनो फोरोंनाय आरो गोदान बाहाय बिगियानजों मावनो फोरोंनाय। बेफोरनि अन्गायैबो दाव-अमा, मोसौ-मोसा फोसिनाय जोथोन लानायनि फोरोंथाय आरो सावराय मोल कालामनाय जायो लोगोसे SHG सलायनाय आरो माइख्र’ फइनेन्स बाइदि-बाइदि।
• आखा-फाखा कालामनायनि फोरोंथाय (Skill Development Training): आखा-फाखा कालामनाय गोरोबनाय, थांनान थानाय आरो देरहासाथ जानायनि मोनसे गोनांथार बाहागो। बेखौ मिथिनानै BBAid आ बेख्थिगथ’ बिथिङाव जौगानायनि थाकाय माइख्र’ फाइनेन्स थ्रेनिं, बाइदि-बाइदि हाबाफारिखौ लायो जेरै - कम्फिउथार थ्रेनिं, थेलरिं, बाइदि-बाइदि।
• समाज जौगानाय/जौगाथाय (Social Welfare/Development): गासै समाज आरो सुबुंफोरनि साबसिन-हामसिन्नि थाकाय आरो जौगानो हानाय गुन थानायफोरखौ गोजौसिनाव मोनहैनो थाकाय बे आफादआ माकासे जौगाथाय हाबाफारि कालामनाय जायो जेरै - गथ’नि मोनथायफोरखौ मोनथिहोनो (Awareness in Child Right), उन्दै बैसोआव जुलि लानाय (Child Marriage), गथ’ लें बोनाय (Child Labor), आथोन नायनानै नेवसिनाय (Gender Discrimination), गथ’फोरखौ जोथोन लानाय (Child Care), SHG थ्रेनिं, बाइदि-बाइदि।
• सोलोंथायारि जौगाथाय हाबाफारि (Educational Development Programs): सुबुं जौगाथाय बिथिङाव सोलोंथायनि गेदेद गोनांथिखौ मिन्थिनानै बे आफादआ हानायबादियै ओन्सोलाव थानाय हावरिया आरो मावरिया गथ’फोरखौ गोजौ फराइसालिसिम सोलोंथाइ होनाय जायो।
• मिथिंगायारि खैफोट थियारि (Environmental Awareness Program): सुबुं माहारिनि जोथोन गैयै हाबाफोरिफोरजों जोंनि आब-हावाया एबा थासिरिया गाज्रि जागासेनो दं, बेनिकायनो जोंनि बे आफादआ हानायमानि ओन्सेलफोराव थानानै जोंनि मोजां थासारि एबा आब-हावानि जोथोन लानाय राहा लामाफोरखौ सुबुंफोरनि गेजेराव सावराय मोलफोर खुंनानै फोरोंनाय जायो।

बिबुंथि हो